Жазылуу эрежелери

УЗИ кабинетинин иш тартиби менен таанышып чыгыңыз, андан кийин гана кабыл алууга жазылыңыз. ◦ УЗИ изилдөөсүнүн баасынын 50% алдын ала төлөө керек; ◦ Эгерде сиз кандайдыр бир себептер менен (анын мааниси жок) белгиленген убакытта келбесеңиз, же жазылууну бир күн мурун же кабыл алуу күнү жокко чыгарсаңыз (белгиленген кабыл алууга чейин 24 сааттын ичинде), анда сиздин алдын ала төлөмүңүз кайтарылбайт (күйүп кетет), анткени бул убакыт сиз үчүн гана атайын резервге коюлган. Алдын ала төлөм сиз келбесеңиз дагы, бош убакыт болбошу үчүн эсептелген, анткени сизге убакыт бөлүнгөн, ага эч ким жазылган эмес; ◦ Эгерде сиз жазылууну жокко чыгаргыңыз же жылдыргыңыз келсе, анда муну дайындалган кабыл алууга минимум 1 күн (24 саат) калганда жасоо керек, алдын ала төлөм 1% (банктын комиссиясы) алынып кайтарылат; ◦ Эгерде кабыл алуу УЗИ кабинетинин бир себеби боюнча жокко чыгарылса (доктур ооруп калды, электр жарыгы өчүрүлдү жана башка форс-мажордук жагдайлар), анда кабыл алууну ошол эле алдын ала төлөм менен башка күнгө жылдырууга болот же сиздин каалооңуз боюнча алдын ала төлөм толугу менен кайтарылат; ◦ Кабыл алууга жазылган адам гана кирет, бир адамдын ордуна башка бирөө (апасы, агасы, эжеси, курбусу ж.б.) келүүгө болбойт. Өзгөчө учурда алмаштырууну алдын ала дарыгер менен сүйлөшүү керек жана анын макулдугу менен гана мүмкүн; ◦ 7 жаштан баштап жана андан улуу балдар кабыл алууга өздөрү (ата-эне коштоосуз) киришет. Өнүгүү өзгөчөлүктөрү бар балдар мындан тышкары; ◦ Өзүңүз менен кошо жолдомо (эгер бар болсо) жана инсандыгын тастыктоочу документ алып жүрүңүз; ◦ Өтүнүч, кечикпеңиз, анткени жазылуу жылып кетет, бул башка бейтаптарга жана доктурга ыңгайсыздык жаратат! Эгерде сиз 5-10 мүнөттөн ашык кечиксеңиз, анда сиздин кезегиңиз өтүп кетет жана сиз доктурдун бош убакыт болгондо жана ал сизди кабыл ала алса, "жандуу кезек" тартибинде кабыл алууңузду күтүүгө туура келет (көбүнчө иш күнүнүн аягында); ◦ Ошол эле учурда, кезек башка себептер менен жылышы мүмкүн, бул диагностиканын татаалдыгына жараша болот, анткени ар бир бейтап жеке, кабыл алуу убактысын так эсептөө мүмкүн эмес, мындай учурда сиз өз кезегиңизди күтүүгө туура келет. Сиздин мүнөтүнө чейин так кирериңизге кепилдик жок. Сиздин милдетиңиз - өз убагында келүү жана доктур сизди чакырганды күтүү; ◦ Өтүнүч, эшиктин туткасын тартпаңыз, кабинетти тыкылдатпаңыз, ичине көз чаптырбаңыз, дарыгер өзү бейтаптарды чакырат, ошондуктан жөн гана чакырууну тынч күтүү керек; ◦ Өтүнүч, коридордо тынчтыкты сактаңыз; ◦ Жеке менчик УЗИ кабинети бейтаптын өмүрүнө жана ден соолугуна коркунуч туудурбаган шартта, медициналык жардамдын коопсуз жана сапаттуу көрсөтүлүшүнө тоскоол болгон агрессивдүү, коркунучтуу же башка сый урмат көрсөтпөгөн жүрүм-туруму байкалган учурда, пландагы медициналык изилдөө жүргүзүүдөн баш тартуу укугун өзүнө калтырат. Эң жакшы каалоолор менен Мамутова Айсулуу Калиевна